今年6月份，新穗正式开通运营于江夏地铁站-陈田村嘅便民车线路，由于啱啱开线果阵投入嘅朗格G6T14AR喺中午时分需要到白云尚城总站进行充电，所以当时呢条线路嘅运营时间为7:00-10:00、16:30-19:30，可以讲就算有正规嘅运营方式都好，配搭咁样嘅运营时间显得呢条线路相当之鸡肋。依加解决方案来了，便民车嘅运营时间就改为7:00-19:30，咁解决方案係乜嘢呢？

解决方案就係呢个了？依稀记得上年唔知边个展览曾经有扬子江呢款超级神器出现过，然后就传出新穗购入咗一台呢啲叻嘢来玩，但係后来冇咩消息之后就以为会不了了之，点知一年之后呢部嘢却上好车牌贴好便民车涂装贴纸出现喺呢条便民车线路上，实在有趣。顺便提一下，呢部车大概喺10点左右会出现喺江夏地铁站，等到下昼5点左右朗格G6T14AR过来接班果阵就收工。

睇睇外观，呢台车采用被大多数车迷称其为“诺基亚”嘅超级精灵造型(方方正正唔通唔似诺基亚？→_→)。外形尺寸方面，呢款车嘅长宽高为mm×mm×mm。虽然呢只车嘅三围要俾之前买嘅朗格G6T14AR要大，但係佢喺陈田村内都可以穿梭自如。另外，车右侧尾部装有一只摄像头，用来辅助司机监控乘客上落车动态。

睇睇司机位，作为“机动车”嘅“诺基亚”对比起只係“电动观光车”嘅朗格G6T14AR当然要高级得多。同我哋成日见到嘅普通公交车一样，呢部车采用彩色嘅CAN总线显示屏，为威帝出品。唔知大家睇外观有冇睇到，呢部车係有电子牌嘅，而且係通达出品。可以讲除咗采用油刹之外，一切都同普通公交车差唔多。

睇睇乘客区，可以讲呢只车绝对要俾朗格要阔落。乘客区有10个座椅，而司机旁边有两个。虽然座椅要俾朗格嘅13个座椅要少，但係呢部车可以企人啵，而且如果有乘客带大件物品上车嘅话，都有地方放。呢部车有正规嘅钱箱，唔似朗格一样只係一个铁箱仔。

其实呢只车嘅乘客区有两个亮点，第一个就係两个车门旁边嘅落车铃，第二个就係呢部车居然有推拉式逃生窗，乘客可以手动放低逃生窗前嘅座椅然后推开逃生窗进行逃生。

机械方面，呢款车采用额定功率为45Kw，峰值功率为75Kw嘅武汉英康汇通YKHTTM直流电机。空调采用松芝SZN。可以睇到呢只车嘅机舱布局都比较紧凑，车尾顶部为空调、逆变器，中部为电池、转向机油壶、电机副水箱，车底为控制器、转向油油泵以及电机水箱。

电池方面，该车装有三块由中航锂电(洛阳)有限公司出品嘅磷酸铁锂电池，其分布于车左侧以及车尾处，该车配有一个直流充电口，而且该车同朗格车一样，配有一个V充电器。

底盘行走方面，这款车的地台采用一级踏步低入口设计，悬挂采用前三后四钢板悬挂，前后车桥暂未清楚係咩品牌，求权威指导，呢只车后桥半轴有著名代工厂——金祥嘅字样，前桥为碟刹后桥为鼓刹。

贴上铭牌，制造时间为年8月。

等这车时在麦当劳消耗了4包薯条